तांत्रिक तपासाच्या बळावर मौल्यवान मोबाईल परत; नागरिकांकडून वणी पोलिसांच्या कार्याचे कौतुक
वणी | प्रतिनिधी
हरवलेला किंवा चोरीला गेलेला मोबाईल परत मिळणे म्हणजे अनेकांसाठी जवळपास अशक्य वाटणारी गोष्ट. मात्र, वणी पोलिसांनी तांत्रिक तपास, आधुनिक प्रणाली आणि सातत्यपूर्ण प्रयत्नांच्या जोरावर हरवलेले व चोरीस गेलेले मोबाईल शोधून संबंधित मालकांच्या स्वाधीन करत पुन्हा एकदा आपल्या कार्यक्षमतेची प्रचिती दिली आहे.
वणी पोलिसांनी विविध ठिकाणी हरवलेले व चोरीस गेलेले मोबाईल शोधून काढत गजानन नारायण कुलीजवार (आयता, ता. आर्णी, जि. यवतमाळ) आणि पंकज श्रीकांत लोहकरे (कनकवाडी, वणी) यांचे मोबाईल शोधून काढले. आवश्यक कागदपत्रांची पडताळणी करून हे मोबाईल संबंधित मालकांच्या स्वाधीन करण्यात आले.
दीर्घ प्रतीक्षेनंतर आपले मौल्यवान मोबाईल परत मिळाल्याने संबंधित नागरिकांनी वणी पोलिसांचे मनःपूर्वक आभार मानले. वाढत्या मोबाईल चोरी व हरवण्याच्या घटनांच्या पार्श्वभूमीवर वणी पोलिसांनी केलेली ही कारवाई नागरिकांमध्ये सुरक्षिततेची भावना निर्माण करणारी आणि पोलिसांवरील विश्वास अधिक दृढ करणारी ठरली आहे.
कायद्याचे पालन आणि नागरिकांच्या सेवेसाठी वणी पोलीस सदैव कटिबद्ध असून, मोबाईल किंवा इतर मौल्यवान वस्तू हरवल्यास त्वरित जवळच्या पोलीस ठाण्यात तक्रार नोंदवावी, असे आवाहनही पोलिसांनी केले आहे.
